Bruidspare: Wen ’n Karibiese reis!
Is julle ’n paartjie wat die jawoord tussen 1 April en 31 Januarie 2024 gegee het?Dan het julle vanaf vandag tot 10 Maart die kans om in te skryf vir Republikein se immergewilde Bruidspaar van die Jaar-kompetisie, en staan julle die kans om onder andere ’n ongelooflike reis na die Karibiese Eilande ter waarde van N$200 000 te wen.
Inskrywingsvorms met verdere besonderhede verskyn vanaf vandag in NMH se koerante, met ’n QR-kode om te skandeer en volg die instruksies, of stoor die nommer 085 785 6231 en stuur eenvoudig #Bridal2024 en volg die instruksies. Maar wikkel, tyd is beperk – daar is net vier weke om in te skryf! Hier is verlede jaar se wenners, Natalie en Fiki Shaetonhodi.